12 DEC
2024 .

各位中六同學：

​

首先恭喜大家，仲有四個幾月就完成中學生涯，步向人生更寬廣自由嘅新一頁。你可能或者覺得備戰公開試呢四個幾月好漫長，但畢業後回望，你會發現時間過得很快。大家要好好珍惜與同學、老師朝夕相對嘅時光。

​

畢業係中學生涯嘅終點，同時亦係另一種林護人身份「校友」嘅開始。在林護校友會，聚集咗橫跨五十多年嚟校友，亦有志趣不同嘅校友透過呢個平台互相交流、一齊做運動同玩音樂，更有好多師兄師姐願意貢獻佢哋不同專業領域嘅知識同經驗，為後輩指點迷津。

除此之外，很多熱心校友亦透過成為校友會幹事或參選校友校董，透過校友會及校董會繼續為學校建言，為在校同學建設更理想嘅學習環境。我地希望呢份咁珍貴嘅手足情、咁完善嘅平台、咁強大嘅校友網絡能夠薪火相傳，愈做愈好。

​

一鍵入會，一生受用。請即填妥 Google Form 加入校友會，一起壯大林護人嘅網絡，令我地將平台角色發揮得更好，惠及更多校友及在校同學。

​

繳交會費成為基本或永久會員，可享有相關權利，包括：

1. 優先參與校友會舉辦的活動；

2. 出席會員大會及列席幹事會會；

3. 經選舉後出任幹事會之職位；

4. 享有按本會會章訂立之提名、選舉、被選、創制、複決、罷免等所有權利；

5. 可獲本會提供之各項福利，包括以折扣價購買紀念品。

​

​

​

​​

聖公會林護紀念中學校友會