【校友沙龍第三回：林護毅行人】
疫情持續，大家無得跳出香港唯有上山眺望香港。但係人人都行山，又真係唔係個個都識行山。今次校友沙龍為大家請嚟一班資歷豐富，幹勁十足嘅「山系」校友，分享佢哋嘅行山經驗。佢哋嚟自各行各業，不同年齡層，但係每年都會聚埋一齊組成林護毅行隊，不眠不休踏破麥理浩徑。
今次校友沙龍仲會邀請鄭太經老師分享佢同不同屆別林護人組隊參加「毅行者」嘅經歷同趣聞，亦會分享一眾山上「打卡」位同埋隱世路線俾大家參考。約定大家沙龍見！
日期： 2月5日（五） 時間： 晚上八點半 形式： Google Meet
(註︰參與會議人數上限係100人。我地會以「先到先得」方式讓大家進入會議。如遇額滿未能參與，敬請原諒。)
－－－－－
屆時敬請遵守以下規則︰
1. 除發問環節，請將咪設定成靜音(mute)，以免影響活動進行。
2. 喺討論環節，如要發言，請先喺聊天室(即時通訊訊息/ Messages)留言，並等待主持人示意。
3. 基於時間所限，發言請盡量簡短。
4. 不論係發言抑或喺聊天室進行討論，請保持互相尊重，嚴禁粗言穢語及人身攻擊。
請大家多多支持，期待同大家喺沙龍相聚！