校友沙龍喺各位校友既鼎力支持下已經嚟到第四次聚會。今次我哋仲跳出香港，邀請到兩位校友：龐麗華(1991)及談可怡(1995)，同我哋分享喺英國既生活點滴。亦都好多謝其他幾位在英校友既分享。
喺沙龍入面，幾位校友講到佢哋點樣揾工揾樓揾學校揾落腳城市，亦都談及英港兩地既文化差異。香港校友既提問——英國生活工作同讀書有冇面對歧視？點樣可以更加融入到英國社會？物價水平如何？有冇好既粵菜食？在英校友都一一詳細解答。
除咗分享之外，沙龍另外既目的就係連繫。今次我哋好開心連繫到不同年代過去英國生活/讀書，以及身處英國唔同地區既校友。佢哋都想認識更多喺英國既林護人，互相砥礪，互相支持。
校友會亦徇眾要求，即將成立在英林護人FB Group。有興趣既校友請密切留意校友會FB Group/ Instagram / 網頁。亦希望大家將信息傳遞俾你認識既在英或即將赴英既林護人。
喺不久既將來我哋會為大家帶嚟更多不同主題既沙龍活動，我哋更會積極連繫喺海外其他國家既校友。下次沙龍見！
